第116部分(第3/4 页)

不十分巴结，心上生了气，便从此绝脚不来。如今听了阿玉的话儿，刚刚自己在八九月中姘了一个戏子叫做十二红，这个十二红也是最爱坐自行车的，成天的教着自己坐自行车，倒练得十分精熟。不如趁着这个当儿再去用些手段，把潘侯爷引了回来，说不定可以借着他淴一个浴也未可知。

想到这里，便不由得心上欢喜起来，也不瞒着阿玉，就把这个念头对阿玉说了。

并道：“勿然是耐妹子格客人，倪勿好去拉俚。不过潘家里来浪上海滩浪，堂子里向做格相好也都得势，勿是耐妹子一干仔。就是到倪搭来仔，耐妹子格搭也都一样格。耐想倪格闲话阿对？”阿玉听了，想了一想果然不错，便也点头称是。沉二宝又细细的打听潘侯爷的性情嗜好，阿玉也细细的和他说了一遍。两个人又谈起以前吊膀子的旧话来。吃了晚饭，一直谈到十二点钟。沈二宝便留阿玉住了一夜再去，阿玉也便依允。沉二宝就在自己大床上留他住了一宵，两个人唧唧哝哝的直讲了一夜的话，直到天明方才睡去。到了明天十二点钟，沉二宝同着阿玉起来梳洗，又留阿玉吃了饭，阿玉方才别去。

阿玉走得不多时，早见女本家金姐走进房来，对着沈二宝冷冷的说道：“二小姐，耐也转转念头哉哩。倪格房饭钱搭仔菜帐，本底子不要紧，不过今年格事体，勿比旧年搭仔前年，倪自家开销才开销勿转。尴尬头来里，实梗洛今年格房饭钿菜帐才要付清。耐是格外勿比别人，再有四百块洋钿借头，耐今朝阿好先付几百洋钿，等倪去开销开销，再有格到仔年底再算阿好？”沉二宝听了大惊，好似兜头泼了一瓢冷水的一般，只得对着金姐说道：“妩姆勿瞒耐说，倪帐浪一塌刮仔收着仔一百几十洋钿，零零碎碎老早用完结格哉。格件事体末那哼弄法，总要请耐妩姆帮帮倪忙格哉。”原来这个沉二宝是金姐的干女儿，所以沈二宝也叫他妩姆。当下金姐听了沈二宝的话，板着个脸儿冷笑一声道：“世界路浪格事体，铜钿银子真公事，叫倪那哼帮耐格忙？倪搭耐是一径蛮要好，大家格心思也蛮对劲，不过今年格事体直头尴尬，耐想倪自家开销勿够，洛里再好帮耐格忙？耐总要豪燥点想法子末好，勿要到仔格个辰光，大家难为情。”

沈二宝听得金姐的口气甚紧，心上更觉着急，暗想如今世上的人，真真是世态炎凉，不堪回首。前两年自己生意狠好的时候，就是一个大钱也不给他都不要紧。

就是这个金姐，平日之间也不知受了自己的许多礼物，占了自己的无数便宜，如今却这样的反面无情，逼迫得这般利害。想着不觉叹一口气，便又对着金姐恳恳切切的说道：“妩姆格待倪一径勿错，倪只要有法子想，洛里肯实梗样式？故歇实在一个铜钿才呒拨来里，只好请妩姆停脱格一两天，等倪到外势去想法子──”金姐不等他说完，顿足说道：“耐末说得蛮舒徐，呒啥要紧，耐阿晓得今朝是啥格日脚哉？

今朝已经廿六，再要停脱格一两日，已经小年夜哉！谢谢耐，耐总算照应倪格。拿笔房饭帐菜钿算清爽仔，耐真正弄勿落末，倪大家慢慢里再想法子。耐总算看倪面浪，拨倪一个面子。要是耐一干仔勿拿出来，大家也才看仔耐格样子，才勿拿出来，格是倪僵哉嘛！照式实梗样式，上海滩浪格本家洛里还有人做？卖脱仔自家格身体来赔，也勿够嘛！“

沈二宝见金姐这样顶真，没奈何，只得含着一胞眼泪，拉着金姐的手，宛宛转转的央告道：“妩梅请坐仔，倪有两声闲话要搭妩媳商量。”金姐铁铮铮的洒脱了手道：“格是呒啥商量格！耐呒拨洋钱，搭倪商量；倪呒拨洋钱，去搭啥人商量呀？

今朝搭耐说明白仔，耐豪爽点自家去转点念头，勿要到仔归格辰光，大家面子浪过勿去，倒说倪坍仔耐格台！“说着便回身要走。沉二宝忍气吞声的一把拉住了道：”妩媳勿是呀，倪有生意浪格闲话搭妩姆商量呀。“

金姐听了，方才回转身来，催他有话快说。沈二宝便把潘侯爷的性情专爱能坐自行车的女人，和自己昨日心中的意思要想在潘侯爷身上弄他一大笔钱，宛宛转转的和金姐说了一遍。又蹙着眉头道：“倪格人妩梅也晓得格，只要潘家里跑进仔倪格门，老老实实勿怕俚跑到啥地方去。不过格件事体总归是开年格事体哉，今年年里向，洛里有洋钿开销？妩姆就是拿倪随便那哼，也逼勿出一个铜钿。衣裳首饰，好格老早当脱格哉。故歇格点衣裳首饰，一塌刮仔几百洋钿格事体，再要去当脱仔，新年里向那哼出去做生意？倪想起来，只得求求妩姆，赛过做好事，搭倪随便洛里去借几百洋钿，拿格房饭帐菜钿付清仔，就是五分八扣也说勿得格哉。倘忙